Tikinti layihələrinin və məhsullarının həyat dövrü mərhələləri
Kurs haqqında
Dayanıqlı tikinti üçün Həyat Dövrünün Qiymətləndirilməsi (LCA) sənətinə yiyələnin. LCA qiymətləndirməsini real dünya layihələrinə necə tətbiq edəcəyinizi öyrənərək dayanıqlı tikinti prinsipləri üzrə təməlinizi qurun. Bu mövzu çərçivəsində binanın ətraf mühitə təsirini əvvəldən sona qədər ölçmək və azaltmaq üçün praktik bacarıqlara yiyələnəcəksiniz. LCA hesablamalarının incəliklərini kəşf edin, Məhsulun ətraf mühitə təsirləri barədə Bəyannaməni (EPD) şərh edin və tənzimləyici mühiti başa düşün. Qiymətləndirməni mürəkkəb konsepsiyadan sənayedə müsbət dəyişikliklərə səbəb olan effektiv dizayn alətinə çevirin.
Bu mövzuya təxminən 2,5 saat vaxt sərf edəcəksiniz. Keçid balını (80 %) toplaya bilməsəniz, qiymətləndirmədə yenidən iştirak etmək üçün bizimlə əlaqə saxlaya bilərsiniz.
Kurs heyəti
Prof. Dr. John Orr
Mühəndislik üzrə magistr, akkreditə olunmuş mühəndis, sertifikatlı konstruksiya mühəndisi, Ali Təhsil Akademiyası Şurasının üzvü, fəlsəfə doktoru, professor Con Orr (fərqlənmə) Kembric Universitetində Dizayn və konstruksiya mühəndisliyi üzrə professordur. O, əsas mövzusu dayanıqlı dizayn və tikinti olan, büdcəsi 11 milyon funt sterlinqdən çox olan tədqiqat və konsultasiya portfeli yaradıb. Dayanıqlılıq mövzusunda 125 jurnal məqaləsi, məqalə və kitabın müəllifi olan Con xalis sıfır karbonlu tikinti sahəsində beynəlxalq səviyyədə tanınmış mütəxəssisdir. 2022-ci ildə tikinti materiallarının istehsalı və istismarı zamanı yaranan karbon emissiyalarının minimuma endirilməsi sahəsində apardığı tədqiqata görə Filip Leverhulme mükafatına, 2018-ci ildə isə "dünya üzərində bir çox insanın həyatına... əhəmiyyətli dərəcədə təsir göstərə biləcək tədqiqat"a görə "Elsevier"in "Atlas" mükafatına layiq görülüb.
Kritika Kharbanda
Kritika "Henning Larsen"in Nyu-York ofisində dayanıqlılıq təşəbbüslərinə rəhbərlik edir. İşi memarlıq, dayanıqlılıq və texnologiyanın kombinasiyasından ibarət olan mütəxəssis, başlıca olaraq, faktlara əsaslanan dizayn üçün ətraflı ətraf mühit analitikası, şəhərlər üçün dekarbonizasiya, eləcə də tədqiqat və inkişafın innovasiya yolu ilə inkişaf etdirilməsini həyata keçirir. Kritika Harvard Dizayn Ali məktəbində Enerji və ətraf mühit üzrə ixtisaslaşmış, paralel olaraq MIT-də təhsil almış və Harvard Kennedi Məktəbində sosial innovasiya üzrə təqaüdçü olmuşdur.
Dr. Nikolaos Vlasopoulos
Nikolaos Vlasopulos hazırda Holcim korporasiyalarına və ölkələrinə həyat dövrünün qiymətləndirilməsi xidmətləri göstərən Holcim İnnovasiya qiymətləndirmə qrupuna rəhbərlik edir. Mərkəzin məqsədi məhsulun ətraf mühitə təsirləri barədə bəyannamələrin (EPD) yaradılmasını kütləvi şəkildə genişləndirmək, həyat dövrünün qiymətləndirilməsi prinsiplərini və prosedurlarını şirkətin əməliyyatlarına inteqrasiya etməkdir. Nikolaos London İmperial Kollecində dayanıqlı tikinti materialları üzrə doktorantura təhsili alıb, az karbonlu sementlər üzrə startap şirkəti olan "Novacem"in həmtəsisçisi və elmi direktoru olmuşdur.
Asfand Yar Munir
Asfand Yar Munir Holcim İnnovasiya Mərkəzində tədqiqat və inkişaf mühəndisidir. Onun işi, başlıca olaraq, həyat dövrünün qiymətləndirilməsi və məhsulun ətraf mühitə təsirləri barədə bəyannamələrlə bağlıdır. Fransa Politexnik Məktəbi (Ecole Polytechnique) və İsveçin KTH Kral Texnologiya İnstitutundan aldığı dərəcələrlə maşınqayırma və bərpa olunan enerji sistemləri sahəsində dərin təcrübəyə malikdir. Ətraf mühitin qorunması və dayanıqlı keçid onu 3 ildir məşğul olduğu həyat dövrünün qiymətləndirilməsi sahəsinə yönəldən əsas amillər olmuşdur.
Andrea Charrier
Andreya İsveçrənin Lozanna Federal Politexnik Məktəbinin (EPFL) Materialşünaslıq və mühəndislik üzrə magistr dərəcəsinə malikdir. O, magistr dissertasiyasını prof. Karen Skrivenerin laboratoriyasında (EPFL) "Əhəngdaşı ilə kalsin edilmiş gil sementi (LC3)" mövzusunda müdafiə etmişdir. Holcim-ə qoşulmazdan əvvəl Andreya İsveçrə fondlarından birində və İtaliyada yerləşən konsaltinq şirkətində həyat dövrünün qiymətləndirilməsi üzrə məsləhətçi kimi çalışmışdır. Andreya 2023-cü ilin fevral ayında Holcim İnnovasiya Mərkəzinin həyat dövrünün qiymətləndirilməsi komandasına həyat dövrünün qiymətləndirilməsi üzrə mühəndis kimi qoşulmuşdur.
Dr. Vasiliki Aravani
Ətraf mühit mühəndisi olan Vasiliki Yunanıstanın Patras Universitetini bitirib, ətraf mühit sahəsində beş ildən çox yerli və beynəlxalq təcrübəyə malikdir. Ətraf mühitə dair məlumatlılıq yanaşması ilə tədqiqat, məlumatların təhlili, tullantıların idarə olunması, keyfiyyətə nəzarət və ISO siyasətləri sahəsində bacarıqlara sahibdir. "Tullantıların idarə edilməsi və enerji istehsalı" mövzusunda ətraf mühit mühəndisliyi üzrə doktorluq dərəcəsinə sahib olan güclü tədqiqat mütəxəssisidir. Holcim İnnovasiya Mərkəzində tədqiqat və inkişaf mühəndisi olaraq həyat dövrünün qiymətləndirilməsi təhlilinin yerinə yetirilməsinə və məhsulun ətraf mühitə təsirləri barədə bəyannamələrin (EPD) hazırlanmasına cavabdehdir.
